مصر تبهر العالم ب موكب المومياوات الملكية

اكيد كلنا خدنا بالنا من اختلاف ردود الافعال عن الحدث التاريخي امس. هتكلم عن ردود افعال اصدقاء ليا شافو الحدث انه "خيبه" - شخصية تعمل في منظمة دولية تعيش في دولة من اكبر دول العالم .. شافت ان اللي حصل امبارح ده خيبة و قله حيله بنضيع اللي باقي من فلوسنا علي منظرة كدابه و بنفتخر بحاجة راحت من الاف السنين و ملناش يد فيها و فضلت تتفرج علي ماتش كوره اوقع و اهم من الحدث و حللت انها لعبه عشان ننسي الشهداء من احداث القطار !!! - شاب اخر يستنكر الاموال الباهظة في الاحتفال اللي كانت ممكن تتصرف علي مستشفي او مدرسة او شارع - شاب اخر يستنكر الاحتفاء بالاصنام (الفراعنة) و طقوس الشعوذة (نصوص كتاب الموت) ++ في رأي الشخصي ان أمثلة هذه الاراء اللي مالهاش اي اساس او سند للنقض و للاسف هي لفئات متعلمة لكن غير واعية .. غير واعية بأركان الدولة و ان ملفات الدولة لابد ان تتطور بشكل متوازي غير متعاقب و ان عشان نحقق احلام الشباب الجميلة دي محتاجين مصادر دخل جديدة و كبيرة و تطوير المصادر الحالية ( اهمهم قطاع السياحة ) و ان لو فضلنا نتمني نطور الصحة والنقل و التعليم بدون تطوير و بحث لمصادر التمويل هيكون مجرد حلم و لن يتحقق ! هذا الحدث التاريخي المتقن في ادق تفاصيله .. هو في رأي الاعظم و ان كان الاعظم قادم بنهاية هذا العام في افتتاح المتحف المصري الكبير .. و يشهد علي قدرة مصر التنظيمية الهائلة و الابداع الفني و الوعي القيادي بتكامل كل هذه العناصر لأخراج حدث يبهر العالم . و الاهم كان الاعتماد علي العناصر المصرية في كل جوانب الحفل و التخلص من عقدة الاجنبي في كل شئ .. اولا دور المرأة في كل جوانب الحدث الفني و التنظيمي و ان كان الاغلب و الاكثر ظهورا ثم الاعتماد علي فئات المصرية العاملة زي النجارين اللي نفذوا عربات نقل المومياوات و ديكورات الشوارع و المشاغل اللي نفدت الملابس و الاكسسوارات و الألكسترا المبهرة و الاصوات الجميلة المختاره. لا استطيع ان اختذل حدث مثل هذا في دعم السياحة فقط و انما حدث لتصدير الهوية المصرية للعالم لا يمكن ان نتفق علي كل شئ و احترم اختلاف وجهات النظر اذا كان ليها اساس ولكن الواقع يقول ان مصر تتقدم بخطوات ثابته ملموسة علي ارض الواقع. #Egypt🇪🇬 #AProudEgyptian🇪🇬 #PharaohsRoyalParade #ThisIsWonderfulEgypt 🇪🇬 #مصر #موكب_المومياوات_الملكية